თბილისი.25.10.06.მედიანიუსი. საქართველოს პარლამენტში შეიქმნა საგამოძიებო კომისია, რომელიც რუსეთიდან დეპორტირებული ქართველების პრობლემებს შეისწავლის. კომისია მუშაობას 26 ოქტომბრიდან შეუდგება და მას საპარლამენტო უმრავლესობის წევრი ნიკა გვარამია უხელმძღვანელებს.
ნიკა გვარამიას კანდიდატურა ოპოზიციისთვის მისაღები აღმოჩნდა და მისგან მწვავე პოლიტიკური შეფასებების გაკეთებას მოითხოვს.
`კომისია იქნება რეალურად პოლიტიკური ცენტრი დეპორტირებული ქართველების უფლებების დარღვევის შეფასებისა და, უპირველეს ყოვლისა, ის გააკეთებს პოლიტიკურ შეფასებას. ასევე მოხდება ამ პროცესების სამართლებრივი შეფასებაც. შეგროვებული მასალები გაეგზავნება საერთაშორისო თანამეგობრობის ყველა ორგანიზაციას, რათა მოხდეს მათი მხრიდან რუსეთის მიმართ მკაცრი სანქციების გატარება~, _ აცხადებს ნიკა გვარამია.