08:07, Tuesday, 19.11.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

მოსახლეობის პროტესტს მერია არ ითვალისწინებს

07.12.2006
ბათუმში, ფარნავაზ მეფის ქუჩის მოსახლეობა ცალმხრივი მოძრაობის შედეგად ქუჩის გადატვირთვას აპროტესტებენ. მათ განცხადებით ბათუმის მერიასაც მიმართეს, თუმცა უშედეგოდ.

„ჩვენი ქუჩა ისედაც ვიწროა და ცალმხრივი მოძრაობის შედეგად, ძალიან გადაიტვირთა. არც შუქნიშანი დგას და არც მოძრაობის წესები კონტროლდება.

ბავშვებს ქუჩაში გადასვლა-გადმოსვლა უჭირთ, სკოლაში რომ მივიდნენ, ეს ქუჩა უნდა გადაკვეთონ. ამ მონაკვეთში ავტოსაგზაო შემთხვევებიც გახშირდა. ვითხოვთ, სამარშრუტო ტაქსების მოძრაობა როგორმე სხვა ქუჩებზე გადანაწილდეს“, - აცხადებენ ფარნავაზ მეფის ქუჩის მცხოვრებლები.

ცალმხრივი მოძრაობის დაწესებამდე, აღნიშნულ ქუჩაზე ორმხრივი მოძრაობა იყო. თუმცა, იმის გამო, რომ ქუჩა თითქმის არ იყო მოასფალტებული, ტრანსპორტი ამ ქუჩაზე ძირითადად არ მოძრაობდა.

გაზაფხულიდან კი, მერიის გადაწყვეტილებით, ერას და ფარნავაზ მეფის ქუჩებზე ცალმხრივი მოძრაობა დაწესდა. ქუჩაც ცოტათი მოაასფალტეს, თუმცა ცალმხრივი, გადატვირთული მოძრაობის გასაკონტროლებლად აქ არანაირი საგზაო ნიშნების არ დაუმონტაჟებიათ. ამ უკანასკნელის თაობაზე, ბათუმის მერიის ეკონომიკური პოლიტიკის ადგილობრივი თვითმმართველობის სამსახურის უფროსი, ეკა თარგამაძე ჩვენთან საუბარში აღნიშნავს, რომ ინფორმირებული არ იყო.

„ჩვენი სამსახურის თანამშრომლები გავლენ ადგილზე და შეისწავლიან სიტუაციას, თუკი არ არის, ნიშნებს დააყენებენ“, - განაცხადა თარგამაძემ.

მერია ქუჩის განტვირთვას და ტრანსპორტის სხვა ქუჩაზე გადანაწილებისათვის რაიმე ღონისძიებებას არ აპირებს. მოსახლეობის მოთხოვნას, პრეტენზიას უწოდებენ და აცხადებენ: „მოსახლეობა გარკვეულწილად შეეჩვეულია სიჩუმეს ქალაქის ცენტრში. ჩვენი მიზანი ცალმხრივი მოძრაობის ამ ქუჩაზე გადმოტანით ქალაქის ინფრასტრუქტურის განვითარება და ქუჩის გამოცოცხლებაა. ჩვენი პროექტი ამისკენაა მიმართული“.

მაკა მალაყმაძე ბათუმიდან

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC