დღეიდან ქუთაისში არასამთავრობო ორგანიზაცია „თანასწორობის ინსტიტუტი“ „სიკვდილის ბრიგადების“ წინააღმდეგ აქციებს იწყებს.
„თანასწორობის ინსტიტუტის“ წევრები ქუთაისში, პატრულის მიერ მოკლული ვალერი ფხაკაძის დაკრძალვაზე, ორი დღის წინ ჩამოვიდნენ.
„აქციებს პერმანენტული სახე ექნება. ბოლოს და ბოლოს გაიგოს ამ ქვეყნის ხელისუფლებამ, რომ დამნაშავე უნდა დაისაჯოს, ფაშიზმს ბოლო უნდა მოეღოს, „ - აცხადებს „თანასწორობის ინსტიტუტის“ წევრი ლევან გოგიჩაიშვილი.
საპროტესტო აქცია იმერეთის სამხარეო საპატრულო პოლიციის შენობის წინ, დღეს, 3 საათზე დაიწყება.
შორენა კაკაბაძე, ქუთაისი