ჯანდაცვის სამინისტროს შენობის წინ 9 აპრილს დაზარალებულ მოქალაქეთა საპროტესტო აქცია გაიმართა. რამდენიმე ათეული ადამიანი სახელმწიფოს მიერ მათთვის დაწესებული შეღავათების გაუქმებას აპროტესტებს. აქციის მონაწილეები შრომის ჯანმრთელობისა და სოციალური დაცვის მინისტრთან ლადო ჭიპაშვილთან შეხვედრას და მათი მოთხოვნების დაკმაყოფილებას მოითხოვენ. წინააღმდეგ შემთხვევაში, ფართომასშტაბიანი საპროტესტო აქციების მოწყობას და სხვა უკიდურესი ზომების მიმართვას გეგმავენ. 1999 წლის კანონის თანახმად, 9 აპრილს დაზარალებული მოქალაქეებისთვის კომუნალური, სამედიცინო და სამგზავრო შეღავათები დაწესდა. ახალი კანონმდებლობის თანახმად კი ეს შეღავათები გაუქმდება და დაწესდება კონპენსაცია, რომელსაც აღნიშნული ადამიანები თვეში ერთხელ მიიღებენ.
წყარო: GHN