22:34, Monday, 06.07.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ვეტერანები შეღავათების აღდგენას ითხოვენ

23.01.2007
თბილისი.23.01.07.მედიანიუსი. დღეს თბილისში, ალექსანდრე პუშკინის სახელობის სკვერში ძალოვანი სტრუქტურების ვეტერანების, პენსიონერებისა და ინვალიდების დარღვეული სოციალური უფლებების აღმდგენი საკოორდინაცილ შტაბის წარმომადგენლებმა საინფორმაციო და გამაფრთხილებელი აქცია გამართეს.

ისინი ხელისუფლებისგან ძალოვანი სტრუქტურების, შეიარაღებული ძალების, მეორე მსოფლიო ომისა და ტერიტორიული მთლიანობისათვის გამართული ბრძოლის ვეტერანების, ასევე, ამ ბრძოლებში დაღუპულთა ოჯახებისათვის სოციალური შეღავათების გაუქმებას აპროტესტებენ. ლაპარაკია 39 სახის შეღავათზე, რომლებიც მათ 1995 წლის შესაბამისი კანონით ჰქონდათ გარანტირებული.

კანონის თანახმად, ისინი მუნიციპალური ტრანსპორტითა და თბილისის მეტროპოლიტენით უფასოდ მგზავრობდნენ, სატელეფონო მომსახურებისათვის 50-პროცენტიანი ფასდაკლებით სარგებლობდნენ და სასმელი წყლის ტარიფს ასევე 50-პროცენტიანი ფასდაკლებით იხდიდნენ. ამავე კანონით,  20 კუბურ მეტრ ბუნებრივ აირს უფასოდ მოიხმარდნენ. ზაფხულობით 75, ზამთრობით კი 250 კილოვატსაათ ელექტროენერგიას უსასყიდლოდ იღებდნენ.

ვეტერანების თქმით, 2007 წლის 1 იანვრიდან ეს შეღავათები გაუქმდა. რაც შეეხება ბუნებრივი აირის, მისი სამომხმარებლო ტარიფს, მის დასაფარად ამიერიდან ვეტერანებს ყოველთვიურად 8, ელექროენერგიის გადასახადის დასაფარად კი 14 ლარი დაერიცხებათ. თუმცა, მათი თქმით, გაზისა და ელექტროენერგიის გაძვირების შემდეგ ასეთი შეღავათი, ფაქტობრივად, უსარგებლო იქნება.

როგორც "მედიანიუსს" ვეტერანთა უფლებების აღმდგენი საკოორდინაციო შტაბის წევრმა ნოდარ ცოტნიაშვილმა უთხრა, სოციალური შეღავათების აღდგენის თხოვნით შტაბმა პრეზიდენტ მიხეილ სააკაშვილს წერილობით 18 იანვარს მიმართა. მიმართვაში ისინი ასევე ითხოვდნენ პრეზიდენტთან პირადად შეხვედრას. თუმცა, პასუხი ჯერჯერობით არ მიუღიათ.
"თუკი ჩვენი მოთხოვნები არ დაკმაყოფილდება, ხვალიდან უკვე პერმანენტულ აქციებს გავმართავთ. ხელისუფლება უნდა დავარწმუნოთ, რომ ჩვენი მოთხოვნები სამართლიანია", - აღნიშნა ნოდარ ცოტნიაშვილმა.
 

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

ძალადობის მსხვერპლი ქალები
ასაკის მატებას ერთი უპრატესობა აქვს, მრავალწლიან გამოცდილებასთან ერთად საზოგადოებრივი ცნობიერების ცვლილების უშუალო მონაწილე ხდები. ეს ცვლილებები შემდეგ უკვე საკანონმდებლო ცვლილებებში აისახება. დრო ცვლის
ვრცლად...
ქალ პატიმართა მოლოდინები
სექსუალური უმცირესობები საქართველოს ციხეებში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC