დღეს დილიდან მეტრო დელისის მიმდებარე ტერიტორიაზე გარემოვაჭრეები აღარ დაუშვეს. თბილისის მეტროს ადმინისტრაციამ და დაცვის სამსახურმა ამ ტერიტორიაზე ვაჭრობა აკრძალა. მერიის გადაწყვეტილებას გარემოვაჭრეები აპროტესტებენ და სავაჭროდ ალტერნატიულ ფართს ითხოვენ.
"ეს ჩვენთვის ორჯერ ლტოლვილობას ნიშნავს. ფაქტობრივად, ლუკმაპურის გარეშე ვრჩებით, შეღავათები მოგვიხსნეს, როგორც ირკვევა, მალე დახმარებასაც მოგვიხსნიან და ჰაერში ვრჩებით. თუ არ ვჭირდებით ამ ხელისუფლებას, გვითხრას და გადავიკარგებით სადმე", - აცხადებს სოხუმელი დევნილი სვეტა ნადარაია "ჯი-ეიჩ-ენ" - თან საუბარში.
ცნობისთვის, დელისის მეტროში 40-მდე გარემოვაჭრე ვაჭრობდა, თითქმის ყველა მათგანი აფხაზეთიდან დევნილია.
წყარო: GHN