12:18, Wednesday, 12.08.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

აფხაზეთში დაკავებულებს, სავარაუდოდ, თვის ბოლოს გაასამართლებენ

16.02.2007
აფხაზეთის ტერიტორიის უკანონოდ გადალახვისთვის საქართველოს სამი მოქალაქე აფხაზმა სამართალდამცავებმა გასული წლის 27 დეკემბერს დააკავეს. მირიან კიკაჩეიშვილს, ავთანდილ ქაჩიბაიასა და ლაშა სიჭინავას მას შემდეგ ოჯახის წევრებთან არანაირი კონტაქტი აღარ ჰქონიათ. დაკავებულის ახლობლებმა დახმარებისთვის „ადამიანის უფლებათა ცენტრის“ ქუთაისის წარმომადგენლობას მიმართეს.

„მათი დაკავებიდან თითქმის ორი თვე გავიდა და არ ვიცით, რა ვითარებაში, როგორ პირობებში იმყოფებიან. ვის არ მივმართეთ დასახმარებლად: საქართველოს ხელისუფლების წარმომადგენლებს და სხვადასხვა არასამთავრობო ორგანიზაციებს, მაგრამ ამაოდ. ვერავინ გვაიმედებს. ამბობენ, რომ აფხაზურ მხარესთან ურთიერთობა ძნელია. ეს პასუხი კი ჩვენთვის გამაღიზიანებელი და არაფრისმომცემია,“ - აცხადებს დაკავებული მირიან კიკაჩეიშვილის მეუღლე თამარ ქაჩიბაია.

დღეს დაკავებულის მეუღლე სახალხო დამცველის რწმუნებულს იმერეთში თეონა კუჭავას შეხვდა. კუჭავა აცხადებს, რომ დაკავებულების ბრალეულობა -უდანაშაულობაზე ვერაფერს იტყვის, რადგან მისთვის უცნობია, ჰქონდათ თუ არა მათ სათანადო საბუთები წესრიგში, მიუძღვით თუ არა სხვა რაიმე სახის დანაშაული და ა.შ. სახალხო დამცველის რწმუნებული აღნიშნულ ფაქტს სამართლებრივ შეფასებას ვერ აძლევს.

დღესვე დაკავებული მირიან კიკაჩეიშვილის მეუღლემ მიმართვა საქართველოს სახალხო დამცველს გაუგზავნა: „გთხოვთ, დაგვეხმაროთ, რომ ჩვენი ოჯახი ამ საშინელი მდგომარეობიდან გამოვიდეს. თქვენი დახმარებით, იქნებ მოვახერხოთ დაკავებულებთან დაკავშირება და იმ პირობების გაგება მაინც, რომელშიც მათ უხდებათ ყოფნა,“ - აღნიშნულია სოზარ სუბარის მიმართ გაგზავნილ წერილში.

დაზარალებული მხარე აცხადებს, რომ დაკავებულები სავარაუდოდ, სოხუმის პოლიციის სამმართველოში იმყოფებიან.

შორენა კაკაბაძე, ქუთაისი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ეთანხმებით თუ არა გენერალურ პროკურორად ირაკლი შოთაძის დაბრუნებას?
დიახ არა არ მაქვს პასუხი

ბლოგი

მორიგების მორიგი შეთავაზება
საზოგადოება ინფორმირებულია, რომ 2017 წლის დეკემბრიდან ქალაქ თბილისის მერიისა და წყლის გამანაწილებელი კომპანიის - GWP-ს წინააღმდეგ სასამართლოში შეტანილი მაქვს სარჩელი, რომლითაც მოვითხოვ თბილისის
ვრცლად...
ძალადობის მსხვერპლი ქალები
ცხოვრება ეჭვისა და უნდობლობის სამყაროში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC