ერეკლეს მეორის მოედანზე საპატრულო პოლიციის თანამშრომლები 12 ოჯახს საცხოვრებელი სახლების დატოვებას აიძულებენ. გამოსახლებულთა შორისაა ლეიბორისტული პარტიის ლიდერის და, ნინო ნათელაშვილი.
მისი განცხადებით, ხალხი ერეკლე მეორეს 2 ნომერში, 30 წელზე მეტია, კანონიერად ცხოვრობს. სააქციო საზოგადოება „ჯანმრთელობის“ წარმომადგენელი კი ირწმუნება, რომ მათი იქ ცხოვრება არაკანონიერია. კორპუსის მცხოვრებლებმა სასამართლო პროცესი წააგეს და სასამართლომ მათი გამოსახლების გადაწყვეტილება გამოიტანა.
გამოსახლების საფასურად აღნიშნული ორგანიზაცია კორპუსის მოსახლეობას 20 000 აშშ დოლარს სთავაზობს.
„ისე გვექცევიან, რომ მგონია, ამ ქვეყნის მოქალაქე არ ვარ. პატრულის თანამშრომლებმა ავეჯი ქუჩაში გამოგვიყარეს. 30 წელია ამ სახლში ვცხოვრობთ, ჩვენ ვითხოვთ, ალტერნატიულ ფართს, ქუჩაში ხომ არ დავრჩებით? შემოგვთავაზეს თანხა, მაგრამ 20 ათასი კი არა, თითო ოჯახზე8 ათასი გამოდიოდა," - აცხადებს ნინო ნათელაშვილი.
წყარო: Media.ge
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
