დღეს სასტუმრო „ქორთიარდ მარიოტში“ წიგნის - „ადამიანის უფლებათა დაცვის ევროპული და ეროვნული სისტემები“, პრეზენტაცია გაიმართა. მისი ავტორია იუსტიციის მინისტრის პირველი მოაგდილე კონსტანტინე კორკელია. იუსტიციის სამინისტროსა და გერმანიის ტექნიკური თანამშრომლობის საზოგადოების (GTZ) პროექტის „საქართველოს სამართლისა და სასამართლო სისტემის მხრდაჭერის“ თანამშრომლობით გამოცემულ წიგნში შესულია როგორც პრაქტიკოსი, ისე მეცნიერ იურისტების ნაშრომები.
სტატიათა კრებულის გამოცემის მიზანია ქართველი მკითხველი გაეცნოს ევროპული სახელმწიფოების სასამართლოთა და ადამიანის უფლებათა ევროპული სასამართლოს პრაქტიკას. აგრეთვე მიმოხილულია საქართველოს სასამართლოებში ევროპული კონვენციებისა და სტრასბურგის სასამართლოს სამართლის გამოყენების პრაქტიკა.
აღსანიშნავია, რომ წიგნი არ გაიყიდება, ის უფასოდ გავრცელდება.
ეკა გულუა