სახალხო დამცველის წარმომადგენელი ჟურნალისტებთან დაკავშირებით მომხდარი ინციდენტის გამოძიებას ითხოვს

საქართველოს სახალხო დამცველის ოფისის მონიტორინგისა და გამოძიების დეპარტამენტის უფროსი გიგა გიორგაძე 19 მარტს, თბილისში,  სააპელაციო სასამართლოში მომხდარი ინციდენტის გამოძიებას ითხოვს.

ტელეკომპანიების ცნობით, სააპელაციო სასამართლოს მანდატურებმა  ჟურნალისტებს, რომლებიც 14 წლის მოზარდის გიორგი ზერეკიძის სასამართლო პროცესის დროს  დარბაზში მომხდარ არეულობას იღებდნენ, ფიზიკური შეურაცხყოფა მიაყენეს. ამასთან,  დაიმტვრა ტელეკომპანია „რუსთავი 2“-ის კამერა.

უნდა გაირკვეს: იყო თუ არა მანდატურების მხრიდან უფლებამოსილების გადამეტება, განაცხადა გიორგაძემ, რომელიც პირადად  იმყოფებოდა  იმ სასამართლო პროცესზე და ამ  ინციდენტს შეესწრო.

„დავინახე ფიზიკური ზემოქმედება ჟურნალისტებზე, რაც გამოიხატა უშუალოდ ფიზიკურ შეურაცხყოფასა და აპარატურის დაზიანებაში“,- განაცხადა გიორგაძემ.

წყარო: media.ge