უფლებადამცველები არ ეთანხმებიან ახალი ადმინისტრაციულ სამართალდარღვევათა კოდექსის პროექტს

უფლებადამცველები არ  ეთანხმებიან ახალი ადმინისტრაციულ სამართალდარღვევათა  კოდექსის პროექტს, რომლის მიღების შემთხვევაში  ადმინისტრაციული სასჯელები გამკაცრდება.

არასამთავრობო ორგანიზაციების განსაკუთრებულ შეშფოთებას იწვევს სასჯელის გამკაცრება მიტინგებისა და მანიფესტაციების დროს მომხდარი გადაცდომისთვის.

ასოციაცია  „კანონი ხალხისთვის“ თავმჯდომარე, ყოფილი პარლამენტარი  ზაქარია ქუცნაშვილი გაზეთ „რეზონანსთან“ საუბარში აცხადებს, რომ თუ მოქმედი კოდექსი მაქსიმუმ 30-დღიან პატიმრობას ითვალისწინებს, შემოთავაზებული პროექტით, პირს შეიძლება პატიმრობა 3 თვის ვადით დაეკისროს.

ქუცნაშვილის განცხადებით, უმნიშვნელო გადაცდომისთვის, მათ შორის შეკრებებისა და მანიფესტაციების წესების დარღვევისთვის, პირი არ შეიძლება 3 თვით იქნას დაპატიმრებული, რადგან ეს ზომაზე მეტად მკაცრი სასჯელია.

წყარო: Media.ge