პოლიტიკური გაერთიანება „ჩვენ თვითონ“ და არასამთავრობო ორგანიზაციათა კოალიცია „ჩვენი უფლებებისთვის“ ყველა მართლმადიდებელს საპროტესტო აქციაზე მისვლისკენ მოუწოდებს. აღნიშნული მოწოდება მათ დღეს სახელმწიფო კანცელარიის შენობის წინ ერთობლივად გამართულ ბრიფინგზე გააკეთეს.
„ხელისუფლების მხრიდან დედაეკლესიაზე ანგარიშსწორება აღმაშფოთებელია. ყველა მართლმადიდებელს, ქართული ეკლესიის მრევლს მოვუწოდებ, მოვიდნენ ხვალ, ხუთ საათზე პარლამენტის შენობის წინ აქციაზე,“ - განაცხადა არასამთავრობო ორგანიზაციათა კოალიციის „ჩვენი უფლებებისთვის“ თავმჯდომარემ დავით ლილუაშვილმა.
„ჩვენ სოციალურ-პოლიტიკურ მოთხოვნებთან ერთად ეკლესიისადმი ანგარიშსწორების შეწყვეტის საკითხს დავაყენებთ და ყველა ადამიანს მოვუწოდებთ, მოვიდნენ აქციაზე და გამოხატონ თავიანთი პროტესტი,“ - აცხადებს პოლიტიკური გაერთიანება „ჩვენ თვითონ“-ის თავმჯდომარის მოადგილე ვალერი ჭელიძე.
წყარო: მედიანიუსი