კოჯრის ბატალიონიდან გაქცეული რეზერვისტი სამხედრო პოლიციაშია გადაყვანილი

თბილისი.10.09.07.მედიანიუსი. კოჯრის 107-ე ბატალიონში რეზერვისტებს შორის მომხდარი დაპირისპირების შემდეგ ნაწილიდან გაქცეული ჯარისკაცი ამ დროისათვის სამხედრო პოლიციაში იმყოფება.

როგორც "მედიანიუსისთვის" გახდა ცნობილი, გაქცეული რეზერვისტი გია მარქარიანია, ხოლო დაშავებული, რომელიც ამ დროისთვის გორის საავადმყოფოშია გადაყვანილი - რიგითი დეისაძეა.

კოჯრის 107-ე ბატალიონში რეზერვისტებს შორის ფიზიკური დაპირისპირება გუშინ მოხდა.
რეზერვისტების დაპირისპირების მიზეზი ალკოჰოლის მიღება გახდა. ამჟამად ისინი სამხედრო პოლიციაში დაკითხვაზე იმყოფებიან.