13:03, Wednesday, 23.09.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ძარცვა მკვლელობით დასრულდა

24.09.2007
 23 სექტემბერს კურორტ აბასთუმანში რუსთაველის #36-ში მცხოვრებ ბაღნიკიანების ოჯახს შეიარაღებული მძარცველები დაესხნენ თავს. თავდასხმას ერთი პოლიციელის სიცოცხლე შეეწირა.

ოთხი შეიარაღებული ნიღბიანი ბაღნიკიანების სახლში ღამის ორ საათზე შევიდა. იმ დროისათვის სახლში მოხუცი ცოლ-ქმარი, რძალი, შვილიშვილები და სტუმრად მყოფი გათხოვილი ქალიშვილი იმყოფებოდნენ.

მოხუცი ცოლ-ქმარი მარტო ცხოვრობენ. მათი შვილი რუსეთშია წასული. რძალი და შვილიშვილები მხოლოდ ამ ბოლო ხანს გადავიდნენ მათთან საცხოვრებლად. იმ ღამეს შემთხვევით აღმოჩნდა სახლში ბაღნიკიანების გათხოვილი ქალიშვილი სუსანა ბაღნიკიანიც: "უცებ შემოიჭრნენ ოთახში, მე და ჩემს რძალს ხელები შეგვიკრეს და თოფის კონდახებს გვირტყამდნენ. მესმოდა მშობლების ყვირილიც. ვყვიროდი, მაგრამ მეუბნებოდნენ გაჩერდი თორემ მოგსპობთო", - გვითხრა მან.

ამ არეულობის დროს მეორე საძინებლიდან ფანჯრიდან ჩუმად გაიპარნენ შვილიშვილები, რომლებმაც თავდასხმაზე პოლიციას შეატყობინეს პოლიციელი, 43 წლის თენგიზ ჩილინგარაშვილი ბინაში ფანჯრიდან გადადიოდა. მოხუცს იგი თავდამსხმელი ეგონა და გაისროლა. გასროლა სავალალო შეგედით დასრულდა – პოლიციელი ადგილზე გარდაიცვალა.

ოჯახის უფროსი მიშა ბაღნიკიანი სახლში არ იყო. ოჯახის წევრები ამბობენ, რომ მკვლელობა არ მომხდარა და იგი უბრალოდ დასაკითხად ჰყავთ წაყვანილი. 
 
ოჯახის წევრებმა არ იციან პოლიციამ დააკავა თუ არა თავდასხმაში ეჭვმიტანილები, ვერც იმას ხსნიან, ვინ ან რატომ უნდა შესულყიყო მათ ბინაში, ასევე არ პასუხობენ კითხვებს ჰქონდა თუ არა ოჯახის უფროსს იარაღი ან მისი შენახვის უფლება. 

შსს სამცხე-ჯავახეთის სამხარეო მთავარი სამმართველოს ადიგენის რაიონული განყოფილების დაბა აბასთუმნის ქვეგანყოფილებაში კომენტარისაგან თავი შეიკავეს და არც შენობაში შესვლის უფლება მოგვცეს. მათი თქმით, ინფორმაციას საპატრულო პოლიციის პრეს-სამსახური გაავრცელებს. 


გულო კოხოძე, აბასთუმანი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

მე აფხაზეთში მელიან
აფხაზეთში ბოლოს ხუთი წლის წინ ვიყავი. მას შემდეგ დღე არ გადის, მასზე არ ვიფიქრო, არ ვინატრო იქაური ცის ყურება, რადგან იქ ცაც კი
ვრცლად...
მორიგების მორიგი შეთავაზება
ძალადობის მსხვერპლი ქალები
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC