12:21, Wednesday, 23.09.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ნანა ბებიაშვილის საქმე უზენაეს სასამართლოში გადაინაცვლებს

27.09.2007
 ქუთაისის სააპელაციო სასამართლომ ნანა ბებიაშვილისა და სხვათა მიმართ სისხლის სამართლის საქმის განხილვა დაასრულა. ზვიად ხუჯაძეს კვლავ 5 წლით, მამამზე ზოსიაშვილს 5 წლით, ნანა ბებიაშვილს კი 10 წლით თავისუფლების აღკვეთა მიესაჯა.

ნანა ბებიაშვილი დისშვილებთან მამაზე და მელიტონ ზოსიაშვილებთან და მათ მეგობარ ზვიად ხუჯაძესთან ერთად 2006 წლის 2 სექტემბერს თერჯოლის რაიონის გადასახვევში ჩატარებული სპეცოპერაციის შედეგად დააკავეს და მას განსაკუთრებით დიდი ოდენობით ნარკოტიკული საშუალება სუბოტექსის რეალიზაციას ედავებოდნენ.

დაკავებულის ადვოკატი მიიჩნევს, რომ საქმის მასალებში ნანა ბებიაშვილის ბრალეულობის დამადასტურებელი მტკიცებულებები არ მოიპოვება და სააპელაციო სასამართლოს ეს უნდა გაეთვალისწინებინა, მაგრამ ამის მიუხედავად, იგი დღემდე უკანონო პატიმარია.

ნანა ბებიაშვილის ადვოკატი ნიკო კანკავა ქუთაისის სააპელაციო სასამართლოს 26 სექტემბრის განაჩენს უკანონოდ მიიჩნევს და "ადამიანის უფლებათა ცენტრთან" საუბრისას აღნიშნავს: "ჩემი დასაცავი პირის ნანა ბებიაშვილის მიმართ არ განხორციელდა მართლმსაჯულება ისე, როგორც ჩვენ ამას სააპელაციო საჩივარში ვითხოვდით და რაც კანონიერად მას ეკუთვნოდა. როგორც ჩანს, ქუთაისის სააპელაციო სასამართლო ჯერ მზად არ არის კანონიერი გადაწყვეტილებების მისაღებად და ამისი პრეცედენტის შექმნას უზენაესი სასამართლოდან ელოდება. ჩვენ აუცილებლად გავასაჩივრებთ საქმეს უზენაეს სასამართლოში და ჩვენი მოთხოვნა თუ იქაც არ დაკმაყოფილდა, ამ საქმით სტრასბურგამდეც მივალთ".

ნანა ბებიაშვილის ადვოკატმა საქმის გამოძიებაში არსებული დარღვევების შესახებ შს გენერალურ ინსპექციასა და გენერალურ პროკურატურას მიმართა, თუმცა, დღემდე მათგან რეაგირება არ არის.

ლელა ხიდაშელი, ქუთაისი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ახალი კორონავირუსის გავრცელების გამო დაკარგეთ თუ არა სამსახური?
დიახ არა

ბლოგი

მე აფხაზეთში მელიან
აფხაზეთში ბოლოს ხუთი წლის წინ ვიყავი. მას შემდეგ დღე არ გადის, მასზე არ ვიფიქრო, არ ვინატრო იქაური ცის ყურება, რადგან იქ ცაც კი
ვრცლად...
მორიგების მორიგი შეთავაზება
ძალადობის მსხვერპლი ქალები
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC