გაერთიანებულმა ოპოზიციამ 2 ნოემბრის აქციასთან დაკავშირებით მერია წინასწარ გააფრთხილა

გაერთიანებულმა ოპოზიციამ 2 ნოემბრისთვის დაგეგმილ აქციასთან  დაკავშირებით თბილისის მერიაში ოფიციალური განცხადება შეიტანა. ოპოზიცია 2 ნოემბრამდე ყოველდღიურ საინფორმაციო აქციას გურიაში, ოზურგეთში, ჩოხატაურში, ბათუმსა და ფოთში გამართავს.

„ჩვენ 2 ნოემბერს რუსთაველის პროსპექტზე 100 000-კაციან მიტინგს ვგეგმავთ და ამ დღეს კეთილი ინებოს ქალაქის მერიამ და იზრუნოს სატრანსპორტო საშუალების გადაადგილებაზე“, - განაცხადა დღეს გამართულ ბრიფინგზე „ხალხის პარტიის“ ლიდერმა კობა დავითაშვილმა.

გაერთიანებული ოპოზიცია დღეს მოძრაობის „ძალადობის წინააღმდეგ“  მიერ გამართულ აქციასაც შეუერთდა. ეს აქცია ამ მოძრაობის 4 აქტივისტის გათავისუფლების მოთხოვნით დიღომში პოლიციის მთავარ სამმართველოსთან გაიმართა.  აქტივისტები რამდენიმე დღის წინ აქციაზე დააკავეს.

გაერთიანებული ოპოზიცია დიღომიდან მსვლელობას კანცელარიასთან დაასრულებს.

წყარო: მედიანიუსი