წუხელ გორში უცნობმა პირებმა რესპუბლიკური პარტიის რაიონული ორგანიზაციის ახალგაზრდული ფრთის ხელმძღვანელი შალვა ტლაშაძე სცემეს.
ტლაშაძე და მისი მეგობარი სახლში ბრუნდებოდნენ, როდესაც მათ თავს ნიღბიანი პირები დაესხნენ. მომხდარს რესპუბლიკელი შალვა ტლაშაძე მიმდინარე დღეებში ოპოზიციის აქციებზე მის ყოფნას უკავშირებს.
ტლაშაძის განცხადებით, თავდამსხმელები, სავარაუდოდ, კონსტიტუციური უსაფრთხოების დეპარტამენტის თანამშრომლები იყვნენ. „რესპუბლიკელების“ რაიონული ორგანიზაციის ახალგაზრდული ფრთის ხელმძღვანელი შალვა ტლაშაძე გორის საავადმყოფოშია გადაყვანილი. მას დაზიანებები თავის არეში აღენიშნება.
წყარო: მედიანიუსი