დაახლოებით 30 საათის განმავლობაში გათიშული საკაბელო ტელევიზიის „აიეტის“ 10-მდე არხი უკვე აღდგენილია. როგორც „ადამიანის უფლებათა ცენტრს“ „აიეტის“ პროგრამების მენეჯერმა ნანა ნამორაძემ განუცხადა, კომპანიის დირექტორმა შესაბამისი ზარი მიიღო, რის შემდეგაც ათამდე არხი, სხვა, გასართობი არხით ჩანაცვლდა:
„მე არ ვიცი კონკრეტულად ვინ დარეკა ჩვენს კომპანიაში, მაგრამ მიუხედავად იმისა, რომ ჩვენი კომპანია კერძოა, დებულებაში გვიწერია, რომ საგანგებო სიტუაციის დროს ყველა საინფორმაციო არხი უნდა გაითოშოს. ჩვენ კანონმორჩილი კომპანია ვართ და ამიტომ, ეს მოთხოვნა, რა თქმა უნდა, დაუყოვნებლივ შევასრულეთ. თუმცა, იმის გამო, რომ ჩვენ მომხმარებელს 50 არხს ვთავაზობთ გათიშული არხები სხვა არხებით შევავსეთ“, - აცხადებს ნამორაძე.
ნინო თარხნიშვილი, თბილისი