23:16, Monday, 06.07.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

პატიმრებს ციხეში კომპიუტერის შეტანის უფლებას მისცემენ

14.11.2007
თბილისის საქალაქო სასამართლოს ადმინისტრაციულ საქმეთა კოლეგიის მოსამართლემ ნინო ონიანმა პატიმარ გია ფაცურიას სარჩელი დააკმაყოფილა და სასჯელაღსრულების დეპარტამენტს დაავალა უზრუნველყოს პატიმარი საბეჭდი საშუალებით. პატიმრობის შესახებ კანონის შესაბამისად პატიმარს უფლება აქვს ისარგებლოს საბეჭდი საშუალებით და ეწეოდეს ინდივიდუალურ საქმიანობას.

გია ფაცურიას ინტერესებს სასამართლოში ორგანიზაცია „კონსტიტუციის 42-ე მუხლის” გამგეობის თავმჯდომარე, ადვოკატი მანანა კობახიძე წარმოადგენდა. ადვოკატის განცხადებით, „ფაცურიას მოთხოვნა პატიმრობის კანონის იმ ნორმას ეფუძნებოდა, რომლის საფუძველზეც მას უფლება აქვს საკანში იქონიოს კომპიუტერი და პრინტერი, მაგრამ  სასჯელაღსრულებითი დეპარტამენტისგან მან მიიღო უარი შესაბამისი  აღმჭურველი  ადმინისტრაციული აქტის  გამოცემაზე. დეპარტამენტმა  არ დაასაბუთა კონკრეტულად რა საფუძველით უთხრა პატიმარს უარი კომპიუტერით  სარგებლობაზე. სწორედ ეს უარი გასაჩივრდა სასამართლოში და  12 ნოემბერს მოსამართლემ გია ფაცურიას სარჩელი დააკმაყოფილა“.

მსჯავრდებულმა სასჯელაღსრულების დეპარტამენტის თავმჯდომარეს მიმდინარე წლის აგვისტოში მიმართა განცხადებით და მოითხოვა  ნებართვა რუსთავის  #1 დაწესებულებაში კომპიუტერისა და პრინტერის შეტანის თაობაზე (ინტერნეტში ჩართვის გარეშე). გია ფაცურია პროფესიით ჟურნალისტია და ციხის პირობებშიც ეწევა აქტიურ საქმიანობას და წერს პუბლიცისტურ წერილებს.

წყარო: არასამთავრობო ორგანიზაცია „კონსტიტუციის 42-ე მუხლი“

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მომზადებული შეხვდა თუ არა ქვეყანა საგანგებო მდგომარეობის გამოცხადებას?
დიახ არა ნაწილობრივ

ბლოგი

ძალადობის მსხვერპლი ქალები
ასაკის მატებას ერთი უპრატესობა აქვს, მრავალწლიან გამოცდილებასთან ერთად საზოგადოებრივი ცნობიერების ცვლილების უშუალო მონაწილე ხდები. ეს ცვლილებები შემდეგ უკვე საკანონმდებლო ცვლილებებში აისახება. დრო ცვლის
ვრცლად...
ქალ პატიმართა მოლოდინები
სექსუალური უმცირესობები საქართველოს ციხეებში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC