02:45, Sunday, 29.03.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

„რეპორტიორები საზღვრებს გარეშე“: ხელისფულებამ უნდა აღადგინოს ოპოზიციური ტელეკომპანიების მაუწყებლობა

20.11.2007
16 ნოემბერს, საგანგებო მდგომარეობის გაუქმების შემდეგ, საქართველოს კერძო ტელეკომპანიების უმეტესობამ ნორმალურ რეჟიმში მაუწყებლობა აღადგინა. თუმცა, თბილისის საქალაქო სასამართლომ მაუწყებლობა შეუწყვიტა ტელეკომპანია „იმედს“, რომელიც ბოლო სამი თვის განმავლობაში  საქართველოს სამი წამყვანი დამოუკიდებელი ტელეკომპანიიდან ყველაზე პოპულარული იყო.

ტელეკომპანია „იმედის“ წარმომადგენლები შიშობენ, რომ მათ ეთერში გასვლის ნებართვას 5 იანვრამდე არ მისცემენ. როგორც მოგეხსენებათ, ამ დღეს ვადამდელი საპრეზიდენტო არჩევნები დაინიშნა. ტელეკომპანია „იმედის’ აქციების მფლობელი რუპერტ მერდოკის მედია ჯგუფ, „ნიუს კორპორაციის“ წარმომადგენელებმა  15 ნოემბერს განაცხადეს, რომ ეს გახდება სასამართლო გადაწყვეტილების  მიზეზი. 

ტელეკომპანიის დახურვის მიზეზი გახდა მისი დამაარსებლის, ბადრი პატარკაციშვილის „იმედის“ ეთერით გაკეთებული განცხადებები, რომლითაც ის მოუწოდებდა ხალხს მონაწილეობა მიეღოთ პრეზიდენტ მიხეილ სააკაშვილის ხელისფულების დამხობაში. ბიზნესმენი ახლა ლონდონში ცხოვრობს. პატარკაციშვილმა პრესასთან საუბარში განაცხადა, რომ მზადაა მთავრობის დასამხობად გაიღოს უკანასკნელი თეთრიც და ასევე განცხადება გააკეთა ეროვნულ რადიოში, სადაც მან ასევე აღნიშნა, რომ ის ყველაფერს გააკეთებს „რათა ქვეყანა გაათავისუფლოს ფაშისტებისაგან.“ 

„საგანგებო მდგომარეობის გაუქმების შემდეგ მოიხსნა შეზღუდვები ახალი ამბების სააგენტოებზე, ასევე აღარ იზღუდება თავშეყრისა და მანიფესტაციის უფლებები,“ განაცხადეს საერთაშორისო ორგანიზაცია „რეპორტიორები საზღვრებს გარეშე“ წარმომადგენლებმა. „თუ არსებობს რამე მტკიცებულებები ტელეკომპანია „იმედის’ დამაარსებლის წინააღმდეგ, ისინი უნდა გახდეს საჯარო. რაც შეეხება პატარკაციშვილის განცხადებას, რომ ის ფინანსურ დახმარებას გაუწევდა ოპოზიციას, ეს არ შეიძლება გამხდარიყო ტელეკომპანიის დახურვის მიზეზი.“

როგორც „იმედის“ ჟურნალისტები და ევროპელი ექსპერტები აცხადებენ,  ტელეკომპანიის სტუდიები და აპარატურა მნიშვნელოვნად არის დაზიანებული ან წაღებული.

დღეს გაეროს გენერალურმა მდივანმა, ბან კი-მუნმა, ხაზი გაუსვა იმ ფაქტს, რომ აუცილებელია არსებობდეს დამოუკიდებელი მედია და დაცული იყოს გამოხატვის თავისუფლება, რათა საერთაშორისო საზოგადოებამ სამართლიანად მიიჩნიოს საპრეზიდენტო არჩევნები.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ეთანხმებით თუ არა გენერალურ პროკურორად ირაკლი შოთაძის დაბრუნებას?
დიახ არა არ მაქვს პასუხი

ბლოგი

შშმ მსჯავრდებულთა უფლებები პენიტენციურ დაწესებულებაში
შვიდი წელია არასამთავრობო ორგანიზაცია ადამიანის უფლებათა ცენტრში ვმუშაობ და ამდენივე წელია, რაც პენიტენციურ დაწესებულებაში მყოფ მსჯავრდებულთა უფლებრივ მდგომარეობას ვსწავლობ.
ვრცლად...
გორაშვილი vs ნაჭყებია
სიკვდილით სავსე ქალაქი
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC