ტელეკომპანია "იმედის" საზოგადოებრივ-პოლიტიკური პროგრამების დირექტორის გიორგი თარგამაძის ინფორმაციით, ტელეკომპანიის ადვოკატები სარჩელს ევროპის სასამართლოში შეიტანენ და საქართველოს ხელისუფლებისგან ტექნიკური და მორალური ზარალის ანაზღაურებას მოითხოვენ.
თარგამაძის თქმით, "იმედი" "ელემენტარულად გაძარცვეს" და ტელეკომპანიის ქონებასთან ერთად თანამშრომლების პირადი ნივთებიც გაიტაცეს; პირადად მისი კაბინეტიდან კი "ყველაფერი მოიპარეს, რისი მოპარვაც შეიძლებოდა".
გიორგი თარგამაძის განცხადებით, "იმედმა" ევროსასამართლოში ჩივილი იმიტომ გადაწყვიტა, რომ ქართულ სასამართლოში სიმართლის მიღწევის გარანტიები არ არსებობს.
წყარო: მედიანიუსი