გაეროში საქართველოს საგანგებო და სრულუფლებიანი ელჩი ირაკლი ალასანია დადებითად აფასებს ქართულ-აფხაზურ კონფლიქტთან დაკავშირებით გაეროს უშიშროების საბჭოს რეზოლუციას და აცხადებს, რომ გაერომ აუცილებლად უნდა განიხილოს საქართველოს ხელისუფლების სამშვიდობო ინიციატივები.
“პირველ რიგში, მივესალმები რეზოლუციის იმ ნაწილს, რომელშიც საუბარია კოდორის ხეობაში არსებულ სტაბილურობასა და დევნილთა დაბრუნების პირობებზე. ამავე დროს, მნიშვნელოვანია, გვქონდეს ნათელი წარმოდგენა იმ ინიციატივებზე, რომლებიც აფხაზურ მხარეს საქართველოს პრეზიდენტმა შესთავაზა. ამ ინიციატივების მიზანი, რეგიონში მშვიდობის დამყარებაა”, - აცხადებს ალასანია.
ასევე, გაეროში საქართველოს ელჩმა მადლობა გადაუხადა ყველა იმ ქვეყანას, რომლებმაც საქართველოს სამშვიდობო ინიციატივებს მხარი დაუჭირეს.
გაეროს უშიშროების საბჭომ ქართულ-აფხაზურ კონფლიქტის ზონაში განლაგებულ დსთ-ს კოლექტიურ სამშვიდობო ძალებს მანდატი 6 თვით გაუგრძელა.
წყარო: მედიანიუსი.
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
