გაერთიანებული ოპოზიციის ლიდერები მმართველ პარტიასთან წინასაარჩევნოდ არათანაბარ პირობებში ყოფნას აპროტესტებენ და ნაციონალურ მოძრაობას საარჩევნო კამპანიისათვის ადმინისტრაციული რესურსისა და საბიუჯეტო თანხების უკონტროლოდ გამოყენებაში ადანაშაულებენ.
როგორც ეროვნული საბჭოს წევრებმა დღეს გამართულ პრესკონფერენციაზე განაცხადეს, ტელევიზიებით გასული ფასიანი რეკლამით დღეს, მხოლოდ ნაციონალური მოძრაობა სარგებლობს და ის მცირე დრო, რომელიც გაერთიანებული ოპოზიციისთვის არის გამოყოფილი, "ძირითადად ოპოზიციის ლანძღვას ეთმობა".
რაც შეეხება ქუჩის რეკლამას, გაერთიანებულ ოპოზიციაში აცხადებენ, რომ ქვეყნის მასშტაბით არსებული ყველა კომერციული ფართი და ე. წ. ბილბორდები ნაციონალურ მოძრაობას აქვს დაკავებული.
მათივე ინფორმაციით, ბილბორდის 1 კვადრატული მეტრის ფასი 500 დოლარამდე გაიზარდა, რაც შეეხება სატელევიზიო რეკლამას, პოლიტიკური რეკლამის ეთერში განთავსება კომერციულ რეკლამაზე 10-ჯერ ძვირი ღირს.
წყარო: მედიანიუსი.