სიღნაღის ბიბლიოთეკიდან გათავისუფლებული თანამშრომლები აქციას მართავენ.

სიღნაღის მუნიციპალიტეტის გამგეობის შენობაში, სახელოვნებო და საგანმანათლებლო დეპარტამენტის დირექტორის კაბინეტში დღეს საღამოს მჯდომარე აქცია გაიმართება.

საქმე ეხება სიღნაღის ბიბლიოთეკიდან გათავისუფლებული თანამშრომლებს, რომლებიც საპარლამენტო არჩევნების შემდეგ უმუშევარი დარჩნენ,- იუწყება რადიო " ჰერეთი".

როგორც რადიო "ჰერეთს" ბიბლიოთეკიდან გათავისუფლებულმა თანამშრომლებმა: ელეონორა გელაშვილმა და ლია ხატუაშვილმა განუცხადეს, აქციას ძველ სამსახურში  დაბრუნების თხოვნით მართავენ.

ლია ხატუაშვილი ბიბლიოთეკის გარდა არასამთავრობო ორგანიზაცია "სამართლიანი არჩევნების" წარმომადგენელია სიღნაღში. მისი თქმით, არჩევნებამდე სიღნაღის მუნიციპალიტეტის გამგებელმა ზაზა ხატუაშვილმა მოსთხოვა "ნაციონალური მოძრაობის" კანდიდატის, ნუგზარ აბულაშვილის სასარგებლოდ ემუშავა, წინააღმდეგ შემთხვევაში, სამსახურს დაატოვებინებდა.

წყარო: მედიანიუსი.