თითქმის ერთი თვეა გორის მუნიციპალიტეტის ეკონომიკის და ინფრასტრუქტურის სამსახურის დაკვეთით სოფელ ხიდისთავში სასმელი წყლის მილებს ახალი მილებით ცვლიან. სასმელი წყალი რამდენიმე რეზერვუარით სოფელ ატენიდან გაჰყავთ.
მოსახლეობა ,,ადამიანის უფლებათა ცენტრის" შიდა ქართლის ოფისს დაუკავშირდა და ვითარებაში გარკვევა ითხოვა. მათი თქმით, ერთ-ერთმა კერძო კომპანიამ ძველი მილების ადგილას მცირემილიმეტრიანი დიამეტრის მილები დაამონტაჟა, რომელიც წყლის წნევას ვერ უძლებს და მოსახლეობის დიდ ნაწილამდე წყალი ვეღარ მიდის.
გორის მუნიციპალიტეტის ეკონომიკური და ინფრასტრუქტურის სამსახურის ინფორმაციით, სათავე რეზერვუარში ,,ბოროტმოქმედებმა" ახლად დამონტაჟებულ მილებში სხვადასხვა საგნები ჩატენეს, რამაც წყლის მიწოდების შეწყვეტა გამოიწვია. მუნიციპალიტეტში აცხადებენ, პრობლემის მოსაგვარებლად ხელახალი სამუშაოების ჩატარებას გეგმავენ.
საბა წიწიკაშვილი, გორი