ოკუპანტებმა ხობში ჟურნალისტებს ცეცხლი გაუხსნეს

თბილისი.24.08.08.მედიანიუსი. ხობის რაიონის სოფელ პირველ მაისში მშვიდობიან საპროტესტო აქციაზე გამოსულ მოქალაქეებს და ჟურნალისტებს რუსმა ჯარისკაცებმა ცეცხლი გაუხსნეს.

ხობის რაიონის სოფელ პირველ მაისის მოსახლეობა სოფლიდან რუსი ოკუპანტების გასვლას და მათი ბლოკპოსტების გაუქმებას ითხოვდა. საგუსაგო რუსსმა ჯარისკაცებმა კერძო მესაკუთრის შენობაში გახსნეს.

„აქციის გასაშუქებლად ჩასულმა ჟურნალისტებმა რუსების ბლოკბოსტიც გადაიღეს. რამაც რუსი სამხედროების აგრესია გამოიწვია და ჟურნალისტების მიმართულებით ცეცხლი გახსნეს. ამ ფაქტმა აქციაზე გამოსული მშვიდობიანი მოსახლეობა აღაშფოთა და შიშველი ხელებით ცდილობდნენ რუსი სამხედროების აგრესიის შეწყვეტას. გასროლას მსხვერპლი არ მოჰყოლია“, - განუცხადა „მედიანიუსს“  სამეგრელო-ზემო სვანეთის გუბერატორის მოადგილემ ალექსანდრე ახვლედიანმა.