ყვარლის რაიონის სოფლების: ახალსოფლისა და ბალღოჯიანის მოსახლეობა დახმარებას საჭიროებს. წყალდიდობის გამო ხალხი სახლებში შესვლას ვერ ახერხებს.
როგორც ადგილობრივებმა ,,ადამიანის უფლებათა ცენტრს“ აცნობეს, 28 აგვისტოს მოსული კოკისპირული წვიმის შედეგად მოსახლეობის საცხოვრებელი სახლები დაიტბორა. ადიდებულმა წყალმა შენობებში ქვა-ღორღი და ნაგავი შეიტანა.
ამჟამად მოსახლეობა სახლებში შესვლას ვერ ახერხებს. ადგილობრივებმა დახმარებისთვის ყვარლის მუნიციპალიტეტის გამგებელს კობა ბურკიაშვილს არაერთხელ მიმართეს, მაგრამ უშედეგოთ. მათი თქმით, გამგებელი მომხდარით საერთოდ არ დაინტერესდა.
ადამიანის უფლებათა ცენტრი