დაღესტნიდან ჩამოსული ლეკები თავს ყვარლის რაიონის სოფლებში მცხოვრებ ნათესავებს აფარებენ
როგორც ადამიანის უფლებათა ცენტრისთვის გახდა ცნობილი, ბოლო რამდენიმე დღის განმავლობაში დაღესტნიდან კახეთში ათობით ლეკი ჩამოვიდა. ისინი თავს ყვარლის რაიონის ლეკურ სოფლებში მცხოვრებ ნაცნობებს აფარებენ.
ლეკების განცხადებით, დაღესტანში, კერძოდ კი მახაჩკალის რაიონში დაძაბული ვითარებაა. სამხედრო სამსახურის ბრძანებით, ადგილობრივი სამართალდამცავები 18-დან 38 წლამდე მამაკაცებს შეიარაღებულ ძალებში იწვევენ. მათი ცნობით, გაწვევის შესახებ მოსახლეობისთვის განმარტება არავის მიუცია. ადგილობრივები მამაკაცების შეიარაღებულ ძალებში სავალდებულო გაწვევას რუსეთ-საქართველოს შორის არსებულ დაპირისპირებას უკავშირებენ.
ჩამოსულებს შორის საქართველოში დაბადებული ახალგაზრდებიც არიან. რამდენიმე მათგანი რუსეთის მოქალაქეობასთან ერთად, საქართველოს მოქალაქეობასაც ფლობს.
ლეკები ყვარლის რაიონის სამ სოფელში, თივში, სარუსოსა და ჩანტლისყურეში ცხოვრობენ.
გელა მთივლიშვილი, კახეთი
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
