ახმეტის რაიონის სოფლებში: შახვეტილაში, ჩაჩხრიალაში, ვეძებსა და ჭართალაში მცხოვრებნი დახმარებას ითხოვენ. როგორც ადგილობრივებმა გვაცნობეს, ბოლო რამდენიმე წელია, ამ სოფლებში ტყე მასობრივად იჩეხება, რის გამოც რამდენიმე ადგილას მიწა მოწყდა და სავალი გზაც წაიღო.
ილტოს ხეობაში მცხოვრებთა განცხადებით, სპეციალისტებისგან აქვთ ინფორმაცია, რომ სტიქიური პროცესები ძლიერი წვიმისა და თოვლის გარეშეც განვითარდება. მათივე თქმით, მეწყერი საფრთხეს მთლიანად სოფლებს და საფლავებს უქმნის და მდინარეში ჩარეცხვით ემუქრება.
ილტოს ხეობის სოფლებში სტიქიისგან სახლები უკვე დაიბზარა, რამდენიმე დაინგრა კიდეც. მოსახლეობამ ადგილობრივ ხელისუფლებას დახმარებისთვის არაერთხელ მიმართა, თუმცა ამ სოფლების პრობლემებით არავინ დაინტერესებულა.
ილტოს ხეობიდან ყოველდღიურად ხე-ტყით დატვირთული 40-ზე მეტი სატვირთო მანქანა გადის. ადგილობრივები ირწმუნებიან, რომ ხე-ტყის ჭრის კანონიერებას ხეობაში არავინ ამოწმებს.
გელა მთივლიშვილი
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
