ოსმა სეპარატისტებმა პანკისელი ქისტები დააკავეს

ოსი  სეპარატისტების მიერ ერთი კვირის წინ დაკავებული  ქისტები  მცირეწლოვან ბავშვებთან ერთად, ისევ ცხინვალის იზოლატორში იმყოფებიან. პანკისის ხეობის სოფელ დუისიდან და ჯოყოლოდან წამოსული ქისტები ცხინვალის გავლით ჩეჩნეთში გადასვლას ცდილობდნენ. დე-ფაქტო რეჟიმის ე.წ სამართალდამცველებმა კი  საზღვრის უკანონო გადაკვეთის ბრალდებით დააპატიმრეს.

ამ დრომდე უცნობია, როგორია ცხინვალის იზოლატორში დაკავებულების ჯანმრთელობის მდგომარეობა.
ცხინვალში დაკავებულების შესახებ უკვე ცნობილია რეინტეგრაციის სამინისტროსა და საქართველოში ჩეჩნური დიასპორის წარმომადგენლობისთვის. სამინისტროს აპარატმა “წითელ ჯვარს” დახმარებისთვის ოფიციალური წერილით უკვე მიმართა.

რეინტეგრაციის საკითხებში მინისტრის მოადგილე ელენე თევდორაძე დაკავების ფაქტს, ეთნიკური ნიშნით ადამიანების შევიწროებად  მიიჩნევს.

წყარო: მედიანიუსი