რესპუბლიკური პარტიის გურჯაანის ორგანიზაციის წევრი ზვიად ყვირალაშვილი გურჯაანის მუნიციპალიტეტის საკრებულოს კანონის დარღვევაში ადანაშაულებს. ყვირალაშვილის განცხადებით, საკრებულო სოფლებში თანამდებობებზე ისთ ადამიანებს ნიშნავს, რომლებიც საჯარო სამსახურებში უკვე მუშაობენ, რაც შეუთავსებლობას იწვევს.
ყვირალაშვილი, ამის მაგალითად, ცოტა ხნის წინ, სოფლის სანიაღვრე მეურნეობისა და წყლის ქსელების მომსახურების სამსახურის ხელმძღვანელად სოფელ ნანიანის გამგებლის დავით ზირაქაშვილის დანიშვნას ასახელებს.
გურჯაანის მუნიციპალიტეტის საკრებულოს თავმჯდომარე ზაქარია იაგანაშვილი ყვირალაშვილის ბრალდებებს არ უარყოფს. მისი თქმით, შეუთავსებლობა ნამდვილად არის და ზირაქაშვილი ერთ-ერთ თანამდებობას უახლოეს დღეებში დატოვებს.