შპს "გურჯაანის კომუნალური სერვისის" თანამშრომლები 2009 წლის იანვრის და თებერვლის თვეების ხელფასებს ითხოვენ.
როგორც მათ გვითხრეს, ხელფასების მიღების მოთხოვნით ორგანიზაციის ხელმძღვანელობას არაერთხელ მიმართეს, მაგრამ განმარტებაც კი ვერ მიიღეს იმის შესახებ, როდის მიიღებენ კუთვნილ ხელფასს.
შპს "გურჯაანის კომუნალური სერვისი" ქალაქ გურჯაანის დასუფთავებისათვის ძირითადად ადგილობრივი ბიუჯეტიდან ფინანსდება. ორგანიზაციის ბუღალტერის განცხადებით, მეეზოვეები და სხვა თანამშრომლები ხელფასებს მას შემდეგ მიიღებენ, რაც გამგეობა "კომუნალურ სერვისს" მომსახურების თანხას გადაუხდის.