დაზარალებული მესაკუთრეები მანანა მაჭარაშვილი, თამაზ გორელიშვილი, თამარ თარაშვილი, გელა ბეჟაშვილი და სხვები პირველი არხის საინფორმაციო სამსახურის ხელმძღვანელობას საკუთრების წართმევის ფაქტებზე მომზადებული სიუჟეტის დაბლოკვაში ადანაშაულებენ.
როგორც დაზარალებულმა მესაკუთრეებმა განაცხადეს, ცოტა ხნის წინ, პირველი არხის საინფორმაციო სამსახურის გადამღებმა ჯგუფმა, სიღნაღში საკუთრების წართმევის ფაქტებზე ვრცელი სიუჟეტი მოამზადა, რომელიც ეთერში ამ დრომდე არ გასულა. დაზარალებულების თქმით, ისინი სიუჟეტის ავტორებს არაერთხელ დაუკავშირდნენ, რომლებმაც უპასუხეს, რომ სიუჟეტი ეთერში პროდიუსერმა არ გაუშვა.
გელა მთივლიშვილი, კახეთი