ქალაქ გორში პოლიციის თანამშრომლებმა “ალიანსი საქართველოსთვის” შტაბის ხელმძღვანელის მოადგილე თამაზ მაყაშვილი დააკავეს.
როგორც “მედიანიუსს” ალიანსის გორის შტაბის წარმომადგენელმა დავით რაზმაძემ განუცხადა, თამაზ მაყაშვილი ქალაქის ცენტრში თავის ავტომობილში ჯდებოდა, როდესაც 07-ს მარკის ავტომობილით რამდენიმე პოლიციელი მივიდა და მისი დაკავება სცადა.
“მაყაშვილმა პოლიციას მოსთხოვა, მისი დაკავების მიზეზი დაესახელებინა, რაზეც სამართალდამცავებმა პასუხი არ გასცეს. ამის გამო, ალიანსის წარმომადგენელსა და პოლიციას შორის გარკვეული შეხლა-შემოხლა მოხდა. საბოლოოდ, მაყაშვილის დაკავება მაინც მოახერხეს და ამჟამად გორის სასამართლოში მისი საქმის განხილვა მიმდინარეობს. როგორც ჩვენთვისაა ცნობილი, საქმე ადმინისტრაციული კოდექსის 173-ე მუხლით განიხილება, რაც სამართალდამცავებისთვის წინააღმდეგობის გაწევას გულისხმობს”, _ განაცხადა დავით რაზმაძემ.
მედიანიუსი