"ალიანსის საქართველოსთვის" გორის რეგიონალური შტაბის თანათავმჯდომარემ თამაზ მაყაშვილმა შიმშილობა დაიწყო. დაკავებულმა შიმშილობა გორის სამხარეო პოლიციის წინასწარი პატიმრობის იზოლატორში დაიწყო. როგორც სახალხო დამცველის ადგილობრივი აპარატის წარმომადგენლებმა განაცხადეს, მაყაშვილი მოძღვართან შეხვედრას ითხოვდა, თუმცა ამ დრომდე სასულიერო პირს მასთან შეხვედრის უფლებას არ აძლევენ. აღსანიშნავია, რომ თამაზ მაყაშვილს გორის რაიონულმა სასამართლომ ათდღიანი ადმინისტრაციული სასჯელი შეუფარდა და მას ხვალ, 20:00 სთ-ზე გაათავისუფლებენ. შეგახსენებთ, რომ თამაზ მაყაშვილი რამდენიმე დღის წინ შიდა ქართლის კრიმინალური პოლიციის თანამშრომლებთან მომხდარი დაპირისპირების გამო დააკავეს.
წყარო „პირველი“