“ალიანსი საქართველოსათვის’’ წევრის, აშშ-სა და შვეიცარიაში საქართველოს ყოფილი ელჩის ლევან მიქელაძის ბინაში წუხელ უცნობი პირი შეიჭრა.
“დინამოს” სტადიონთან, ცაბაძის #9-ში მდებარე ბინაში მხოლოდ ოჯახის დამხმარე ქალბატონი იმყოფებოდა. ლევან მიქელაძე ამერიკაშია.
არსებული ინფორმაციით, თავდამსხმელმა ქალბატონს ფიზიკური შეურაცხყოფა მიაყენა და ფული მოითხოვა.
შემთხვევის ადგილზე "ალიანსის" და სხვა ოპოზიციური პარტიების ლიდერები მივიდნენ.
როგორც ირაკლი ალასანიამ განაცხადა, აქციის მონაწილეებზე გახშირებული თავდასხმების შემდეგ ეს შემთხვევა საეჭვოდ გამოიყურება. “თუმცა, არ მინდა, გამოძიების შეფასებამდე კონკრეტული შეფასება გავაკეთო”,- აღნიშნა ალასანიამ.
დავით ბერძენიშვილის თქმით კი, რაც უფრო გაჭიანურდება გამოძიება, მით უფრო გაიზრდება ეჭვები ხელისუფლების მიმართ.
საქმე დიდუბე-ჩუღურეთის რაიონის პოლიციაში ყაჩაღობის მუხლით აღიძრა.
"ინტერპრესნიუსი"