დასავლეთიდან თბილისისკენ მომავალმა "ალიანსის საქართველოსთვის" კოლონამ სამტრედიასთან მდებარე სოფელ მარანთან საავტომობილო გზა გადაკეტა. როგორც "პირველს" ალიანსიდან აცნობეს, გზის გადაკეტვის მიზეზი სამართალდამცველებსა და კოლონის შემადგენლობაში მყოფ ოპოზიციის მხარდამჭერებს შორის მომხდარი ინციდენტი გახდა. კერძოდ, როგორც ალიანსის პრეს-სამსახურში გამარტავენ, პოლიციის თანამშრომლებმა კოლონას ჩამორჩენილი ერთ-ერთი სამარშრუტო ტაქსი გააჩერეს და საბუთები მოსთხოვეს.
"მას შემდეგ, რაც აღნიშნული სამარშრუტო ტაქსის მღოლს გზის გაგრძელების საშუალება არ მისცეს, ჩვენი ალიანსის ლიდერები უკან დაბრუნდნენ და მარანთან საავტომობილო გზის გადაკეტვა გადაწყვიტეს", - აცხადებენ ალიანსის პრეს-სამსახურში. როგორც ადამიანის უფლებათა ცენტრს ოპოზიციის ერთ ერთმა წევრმა ნანა გულორდავამ განუცხადა საჯარიმო ქვითრის გამოწერის შემდეგ მარშუტი პოლიციამ გამოატარა.
ადამიანის უფლებათა ცენტრი