ნათია ტრაპაიძე, აჭარა
შალვა ნათელავშვილმა ბათუმელ მოვაჭრეებს წინასაარჩვენო პროგრამა გააცნო. ნათელავშვილი მოვაჭრეებს მისი პრეზიდენტად არჩევის შემთხვევაში, სალარო აპარატების გაუქმება დაპირდა.
„ხელისუფლება ცხოვრობს მეფურად, ჯიპიანობს. მათ ცოლ-შვილებს ასწავლის ჰარვარდსა და კემბრიჯებში ამ ხალხისაგან აყვლეფილი ფულით, ამ ყველფერს კი, გადასახადებს და ჯარიმებს ეძახიან. ეს მოისპობა და პირიქით, მათ მოვუწოდებთ უკან დააბრუნონ ყველაფერი“, - განაცხადა ნათელავშვილმა ბათუმის ბაზარში ამომრჩეველთან შეხვედრისას.
შალვა ნათელაშვილი ჯერ ბათუმის ბაზარში, შემდეგ ე.წ. 23-ე სკოლის მიმდებარე ბაზრობაზე დასაქმებულებს შეხვდა. თუმცა, მათთან წვიმის გამო, მხოლოდ ხელის ჩამორთმევით შემოიფარგლა.