ლანჩხუთის საოლქო საარჩევნო კომისიამ 36 ბიულეტენი ბათილად სცნო

ნინო მშვიდობაძე

ლანჩხუთის #61 საოლქო საარჩევნო კომისიამ #06 უბანზე აღმოჩენილი დარღვევის თაობაზე კენჭისყრა ჩაატარა.

#06 უბანზე საიამ დააფიქსირა, რომ გადასატან ყუთს საუბნო კომისიის თავმჯდომარემ კენჭისყრის შედეგად ერთი საარჩევნო სუბიექტის, კოალიცია „ქართული ოცნება – დემოკრატიული საქართველოს“ ორი წარმომადგენელი გააყოლა, რაც, საიას იურისტების თქმით, საარჩევნო კოდექსის 61–ე მუხლის დარღვევაა.

საოლქო კომისიამ აღნიშნული საკითხი განიხილა სხდომაზე და მიიღო გადაწყვეტილება, რომ გადასატანი ყუთით მიცემული 36 ხმა ბათილად ეცნო.

კენჭისყრაში მონაწილეობა არ მიიღო საოლქოს ორმა წევრმა, ხოლო – ორი წინააღმდეგი წავიდა. მომხრე იყო ცხრა წევრი.