Humanrights.ge
ხელვაჩაურის 31-ე და 94-ე უბნებზე მარგველაშვილის ორი დამკვირვებელი იყო წარმოდგენილი. ამის შესახებ ინფორმაციას ჩვენი დამკვირვებელი მაკა მალაყმაძე გვაწვდის: „31-ე უბანზე, როცა კომისიის თავმჯდომარეს რუსუდან თურმანიძეს ვკითხეთ, თუ რატომ იყო უბანზე ერთი საარჩევნო სუბიექტის 2 დამკვირვებელი, გვითხრა რომ გარეთ ცივა და აღარ გავუშვიო. 94-ე უბანზე კი, ეს ხარვეზი ჩვენი საქმეში ჩართვის შემდეგ თავმჯდომარემ გამოასწორა“- ამბობს მალაყმაძე.
საარჩევნო კანონმდებლობის მიხედვით, ერთ საარჩევნო სუბიექტს უბანზე მხოლოდ ერთი დამკვირვებლის ყოლის უფლება აქვს.