აღმოსავლეთ პარტნიორობის სამოქალაქო საზოგადოების ფორუმის საქართველოს ეროვნული პლატფორმის განცხადება

აღმოსავლეთ პარტნიორობის სამოქალაქო საზოგადოების ფორუმის საქართველოს ეროვნული პლატფორმის განცხადება

უკრანის სამოქალაქო საზოგადოებისადმი სოლიდარობის გამოხატვის შესახებ

აღმოსავლეთ პარტნიორობის საქართველოს ეროვნული პლატფორმა სოლიდარობას უცხადებს უკრაინის სამოქალაქო საზოგადოებას, რომლებიც ქუჩაში აპროტესტებენ უკრაინის ხელისუფლების უარს ვილნიუსის სამიტზე ევროკავშირის გრძელვადიანი ასოცირების ხელშეკრულების ხელმოწერაზე.

ჩვენ მტკიცედ გვჯერა, რომ უკრაინის ხალხის არჩევანი ევროპული ინტეგრაციაა. მათი სურვილია დემოკრატიული ინსტიტუტების შექმნა, კანონის უზენაესობის გაძლიერება და ადამიანის უფლებების დაცვა, კორუფციის შემცირება და სიღარიბის აღმოფხვრა, შრომითი, გარემოს დაცვითი და სოციალური სტანდარტების გაუმჯობესება რაც უკრაინის კეთილდღეობისა და წარმატების წინააპირობაა. ეს პირდაპირ ეწინააღმდეგება რუსეთის ფედერაციის ამბიციებს, რომელიც შანტაჟსა და სხვადასხვა სახის ეკონომიკური და პოლიტიკური ზეწოლის საშუალებით ცდილობს აღადგინოს საბჭოთა კავშირის მსგავსი - საბაჟო კავშირი - რომელიც თავის თავში მოიცავს ადამიანის უფლებების დაცვის დაბალ სტანდარტებსა და გაზრდილ სიღარიბეს.

ჩვენ მოვუწოდებთ:

• ევორკავშირს კიდევ ერთხელ გამოუცხადოს თავისი მტკიცე პოლიტიკური და ფინანსური მხარდაჭერა აღმოსავლეთ პარტნიორობის ქვეყნებს, მათ შორის უკრაინას, ვილნიუსის სამიტის შემდეგ ევროინტეგრაციისაკენ მიმავალ პროცესში დაგეგმილი დემოკრატიული რეფორმებისა გატარებაში;

• უკრაინის მოქალაქეებმა მიიღონ ჩვენი სოლიდარობა ჩვენი ქვეყნების ევროპული მომავლისათვის ბრძოლის გასაგრძელებლად.