2013 წლის აგვისტოდან ადამიანის უფლებათა ცენტრი ფონდ „ღია საზოგადოება საქართველოს“ ფინანსური მხარდაჭერით ახორციელებს პროექტს - „2013 წლის საპრეზიდენტო არჩევნების მონიტორინგი“.
ადამიანის უფლებათა ცენტრი 27 ოქტომბრის არჩევნებს საქართველოს 6 რეგიონშიდააკვირდა (კახეთი, იმერეთი, შიდა ქართლი, ქვემო ქართლი, მცხეთა-მთიანეთი, სამეგრელო). ორგანიზაციის განკარგულებაში იყო 36 დამკვირვებელი, რომლებიც არჩევნებს 18 მუნიციპალიტეტის ქალაქებსა და სოფლებში აკვირდებოდნენ. დამკვირვებლების ნაწილი მთელი დღის განმავლობაში საარჩევნო უბნებზე იყო მიმაგრებული, ნაწილი კი მობილურ ჯგუფებში გადანაწილდა და უბნიდან უბანზე მოძრაობდა. ანგარიშში თავმოყრილია ის დარღვევები და ტენდენციები, რაც ადამიანის უფლებათა ცენტრის დამკვირვებლებმა დააფიქსირეს.