შორენა კაკაბაძე, ქუთაისი
ქუთაისში, რეაბილიტირებულ უბანში ერთ-ერთი ნაგებობის ფასადი ჩამოინგრა, რის შედეგადაც გამვლელი მძიმედ დაშავდა. 18 წლის ახალგაზრდის მდგომარეობა, რომელიც დასავლეთ საქართველოს სამხარეო კლინიკურ საავადმყოფოშია გადაყვანილი, ამ დრომდე მძიმეა. მომხდარს სამართალდამცავები სწავლობენ.
აღნიშნულ ფაქტთან დაკავშირებით ქუთაისის მერის მოვალეობის შემსრულებელმა სპეციალური განცხადება გააკეთა. შოთა მურღულია მომხდარზე პასუხიმგებლობას ყოფილ ხელისუფლებას აკისრებს: "ეს უბედური შემთხვევა "ნაციონალური მოძრაობის" ხელისუფლებაში ყოფნის დროს რეაბილიტირებული შენობის ჩამონგრევის შედეგად მოხდა, რაც კიდევ ერთხელ ადასტურებს იმ ფაქტს, რომ ყოფილი მთავრობა ყველაფერს უპასუხისმგებლოდ და უხარისხოდ აკეთებდა. დღეს კი, შეჩერებულ ინფრასრტუქტურულ პროექტებზე საუბრობს და ხელისუფლებას ამის გამო აკრიტიკებს", - აცხადებს შოთა მურღულია.
მის განცხადებას საკრებულოს "ნაციონალი" დეპუტატი გია გოქაძე ეხმიანება: "მურღულია მომხდარით სპეკულირებს. ამას ჯობია, კაბინეტიდან ხანდახან მაინც გამოვიდეს, ქალაქში გაიარ-გამოიაროს და თუკი სადმე რამე უხარისხოდაა გაკეთებული, რეაბილიტაციისთის ქალაქის ბიუჯეტიდან თანხები გამოყოს."
ახალი ამბები
პოპულარული
სტატია
13 თებერვალი, 2024
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სტატია
28 დეკემბერი, 2023
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
სტატია
13 დეკემბერი, 2023
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
