2014 წლის 31 მაისს, ცესკოს განკარგულებით, ადამიანის უფლებათა ცენტრი დარეგისტრირდა როგორც ადგილობრივი დამკვირვებელი ორგანიზაცია 2014 წლის 15 ივნისის ადგილობრივი თვითმმართველობის არჩევნებისათვის. ადამიანის უფლებათა ცენტრი არჩევნებს დააკვირდება კახეთის ეთნიკური უმცირესობებით დასახლებულ რაიონებში და იმერეთის რეგიონის, კერძოდ, საჩხერის მუნიციპალიტეტის კონფლიქტისპირა სოფლებში. პროექტის ფინანსურ მხარდაჭერას ახორციელებს ფონდი „ღია საზოგადოება - საქართველო.“
პროექტის ფარგლებში, ჩატარდა ტრენინგი ადამიანის უფლებათა ცენტრის დამკვირვებლებისათვის საარჩევნო პროცედურებთან დაკავშირებით. ტრენინგს უძღვებოდა ექსპერტი საარჩევნო საკითხებში, ნინა ხატისკაცი.