30 ივლისს, 16:00 საათზე ადამიანის უფლებათა ცენტრი ფონდ „ღია საზოგადოება - საქართველოს“ საკონფერენციო დარბაზში აწყობს მრგვალი მაგიდას: შეწყალების მექანიზმი საქართველოში - პრობლემები, გამოწვევები.
მისამართი: თბილისი, თ. ჭოველიძის ქ. 10
ინფორმაციისათვის: ადამიანის უფლებათა ცენტრი ახორციელებს პროექტს - „შეწყალების მექანიზმის კვლევა საქართველოში“, რომლის მიზანია შეწყალების მექანიზმის გამჭვირვალე და ეფექტური ფუნქციონირების ხელშეწყობა. ადამიანის უფლებათა ცენტრს აქვს შეწყალების საქმეებზე მუშაობის მრავალწლიანი გამოცდილება, რა დროსაც პრაქტიკაში გამოიკვეთა მთელი რიგი პრობლემები, რომლებიც საჭიროებს კვლევას და შესაბამის საკანონმდებლო რეგლამენტაციას, რათა შეწყალების პროცედურები იყოს უფრო გამჭვირვალე და გასაგები. კვლევის შედეგებისა და რეკომენდაციების ადვოკატირება ხელს შეუწყობს არსებული მექანიზმის დახვეწასა და რეფორმირებას.
პროექტის განხორციელება შესაძლებელი გახდა ფონდ „ღია საზოგადოება - საქართველოს“ ფინანსური მხარდაჭერით.