ეკატერინე ჩახვაშვილი, კახეთი
ახმეტის მუნიციპალიტეტის სოფელ ქისტაურში მცხოვრები 63 წლის მამაკაცი, რომელიც დაკარგული იყო, გარდაცვლილი იპოვეს. აღნიშნულის შესახებ humanrights.ge-ს გამგებლის წარმომადგენელმა, ზვიად მოსიაშვილმა აცნობა. მისი თქმით, მამაკაცის ცხედარი მდინარე ალაზანის ნაპირზე იყო გამორიყული.
დაკარგულ მამაკაცს სამაშველო სამსახური და სოფლის მოსახლეობა ეძებდა, ის 18 ნოემბერს გაუჩინარდა და 10 დღის შემდეგ გარდაცვლილი იპოვეს.
შს ახმეტის სამმართველოს მიერ, მომხდართან დაკავშირებით, საქმე სსკ–ის 115–ე მუხლით არის აღძრული. გარდაცვალების მიზეზს ექსპერტიზა დაადგენს.