ადამიანის უფლებათა ცენტრის პრესკონფერენცია არჩილ ტატუნაშვილის საქმესთან დაკავშირებით

ხვალ, 11:30 საათზე ადამიანის უფლებათა ცენტრი პრესკონფერენციას გამართავს არჩილ ტატუნაშვილის საქმესთან დაკავშირებით.

პრესკონფერენცია გაიმართება თბილისის ადამიანის უფლებათა სახლში, მისამართზე: აკაკი გახოკიძის ქ.11ა, 0 სართული. 

პრესკონფერენციაში მონაწილეობას მიიღებს არჩილ ტატუნაშვილის მამა, გიორგი ტატუნაშვილი და ნორვეგიის ჰელსინკის კომიტეტის წარმომადგენელი, ოგე ბორჩგრევინკი.

ადამიანის უფლებათა ცენტრი მოუწოდებს საქართველოს ხელისუფლებას: აქტიურად გამოიყენოს ყველა საერთაშორისო მექანიზმი არჩილ ტატუნაშვილის მკვლელობის საქმის ეფექტიანი გამოძიებისათვის და მოამზადოს რუსეთის ფედერაციის წინააღმდეგ სახელმწიფოთაშორისი სარჩელი ადამიანის უფლებათა ევროპული სასამართლოსთვის; ეფექტიანად წარმართოს არჩილ ტატუნაშვილის გატაცებისა და სავარაუდო განზრახ მკვლელობის საქმის გამოძიების პროცესი, რათა დროულად დადგინდეს დამნაშავე პირთა ვინაობა და გაიცეს სანქცია მართლმსაჯულებისათვის მათ გადასაცემად; ყველა შესაძლო საერთაშორისო ფორმატში მოითხოვოს არჩილ ტატუნაშვილის შინაგანი ორგანოებისა და სამედიცინო დოკუმენტაციის გადმოცემა. 

ადამიანის უფლებათა ცენტრი