მწერალთა კავშირის შენობა დალუქულია

თბილისი.21.08.07.მედიანიუსი. თბილისში, მაჩაბლის ქ. #13-დან მწერალთა კავშირის გამოსახლება დასრულდა. ზედამხედველობის სამსახურმა ინვენტარი გამოიტანა და შენობა დალუქა.

ამჟამად მიმდებარე ტერიტორია რკინის მესერით არის გადაკეტილი. მწერალთა კავშირის ინვენტარი კი ვანის ქუჩაზე, ეკონომიკის სამინისტროს მიერ დაქირავებულ საწყობში გადაიტანეს.

ზედამხედველობის სამსახურმა დღესვე “სახალხო ფრონტის”, ეროვნული დამოუკიდებლობის პარტიისა და გაზეთ  "ლიტერატურული საქართველოს" ოფისებიც დაცალა. ეკონომიკური განვითარების სამინისტროში განმარტავენ, რომ ამ ორგანიზაციების მიერ დაკავებული შენობები სახელმწიფოს კუთვნილება იყო და ისინი კანონიერ მფლობელს უბრუნდება.