თბილისი.21.08.07.მედიანიუსი. თბილისის მერიის ზედამხედველობის სამსახურმა თბილისში, გუდიაშვილის #2-ში მდებარე შენობიდან გაზეთ „ლიტერატურული საქართველოს" რეადაქცია გამოასახლა. გაზეთის თანამშრომლებს დღეს ოფისი დალუქული დახვდათ.
პოლიცია და ზედამხედველობის სამსახური „ლიტერატურული საქართველოს" შენობაში გამთენიისას შევიდნენ და ინვენტარი გამოიტანეს. როგორც “მედიანიუსს” რედაქციის თანამშრომელმა დავით კახაბერმა განუცხადა, მათთვის შენობის დაცლის მოთხოვნით არავის მიუმართავს. პოლიციამ და ზედამხედველობის სამსახურის თანამშრომლებმა კი კარი ძალით გააღეს.