საქართველოს მწერალთა კავშირის შენობასთან დაკავშირებით, დღეს თბილისის საქალაქო სასამართლოში დაგეგმილი პროცესი ჩაიშალა. ამის მიზეზი მხარეთა გამოუცხადებლობა გახდა. სასამართლოში ეკონომიკური განვითარებისა და კულტურის სამინისტროების წარმომადგენლები არ გამოცხადდნენ. სასამართლო პროცესი 15 ნოემბრამდე გადაიდო.
მწერალთა კავშირის წევრების განცხადებით, ისინი მზად არიან გარკვეულ დათმობებზე წავიდნენ და ეკონომიკური განვითარების სამინისტროს მიერ ჩამორთმეული ორი შენობიდან ერთ-ერთი დათმონ. მწერლები თავიანთ საკუთრებაში მაჩაბლის #13-ში მდებარე შენობის დატოვებას მოითხოვენ. „მოსამართლემ მთავრობის წარმომადგენელს მიმართა, რომ მწერალთა კავშირს ნამდვილად აქვს საკუთრების დაბრუნების უფლება და სთხოვა, რომ მთავრობა მოლაპარაკებაზე წამოვიდეს“, - აღნიშნა მწერალთა კავშირის თავმჯდომარემ მაყვალა გონაშვილმა.
წყარო: მედიანიუსი
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
